A manovella, mamma!

Manovella mamma. Ha presenti a manovella? Eccu mamma, ma sta’ facendu a manovella.

No mamma, non su scustumatu mamma, si tu chi ma’ fai a manovella.

Lassulu stari u papa’ chi muriu paci all’anima sua. Non su’ peggiu riddu. Iddu era feroci, eu mi ncazzu sulu quandu ma’ fai a manovella. Haiu sulu a frevi ma non moru. No mamma, no chiamai u mericu ancora. Cu vo’ mi veni a sira i capudannu?

Manovella mamma… ah, tu dissi gia’, ma sta’ facendu a manovella. Puru chi chiamu a guardia medica e’ sulu na cazzu i frevi. Ora mi pigghiu ddu’ pinnuli non ti preoccupari. Mamma tu giuru supra o papa’ chi si chiami tu pu mericu non tornu mancu quandu mori.

Manovella mamma. Si cu motu a ‘ffirriamentu comu na manovella. Comu sulu tu a sa’ fari. Ti dissi chi non moru. Ora mi mentu sutta a na’ cuperta e spero mi mi passa. Non haiu bisognu i fazzoletti mamma. Mamma, si dumani nesci e mi ‘ccatti i perofilo ti giuru chi i incu i benzina e i bruciu o centru commerciali. Non su’ raffreddato ti dissi, e’ sulu sintumu infleunzali. Puo’ darsi chi passa stanotti oppuru mi ‘nchiana a 40 e ma fazzu nto’ culu. E tu comu fai mamma? Mori puru tu i crepacori chi perdisti nu figghiu. Ma inveci e’ megghiu mi campi cusi’ ti po’ lattariari chi to’ amiche chi nu figghiu juvini sindi iu cusi’ puru.

Eu a manovella mamma? Indovina i cu’ mi mparai mamma? Auguri mamma, tantu mi pari chi l’annu novu e’ comu u vecchiu.