Ora vi cuntu i na città bedda e gloriusa,
chi m’ispirau sti versi comu fussi na Musa,
cusì bedda chi poti sulu mi si ama,
si no capiscistu già, vu dicu ieu: Riggiu si chiama.

Da Magna Grecia fusti na colonia splendenti,
i Bronzi i Riaci sunnu a testimonianza viventi,
e aniti cu museu e chi resti ill’antichi mura,
canuscimu puru nui a noschra vera cultura.

Ma a to storia non fu tutta rosi e sciuri,
fusti puru na città travagghiata e china i sciaguri,
fami, guerri, disgrazi e terremoti,
ti ‘mpoveriru e distruggiru nu scasciu i voti.

Ma dopu tuttu si ancora ccà,
e guai a cu nda tocca a noschra bedda città.
Cchiù ti vardu e cchiù nte to billizzi mi perdu,
e puru si mi ‘lluntanu, i tìa non mi sperdu.

Nd’hai u lungomari cchiù beddu d’Italia,
cu na visuali e nu scenariu chi ammalia,
suli e caddu deci misi all’annu,
a ttia l’Hawaii nu baffu ti fannu.

A to genti semplici, allegra e volenterusa,
ti rendi ancora i cchiù na città calurusa,
i to sapuri, i to sciauri e i to culuri,
non sunnu paragonabili o cchiù beddu sciuri.

E puru si nd’hai problemi e disoccupazioni,
nui ndi rivolgimu a Madonna da Cunsulazioni,
chi du to populu esti patruna,
e nci chiedimu grazia e paci mi ndi duna.

Si cchiù rara e preziusa i nu gioellu,
puru m’esti u diamanti cchiù bellu,
ti fa vuliri beni du calabrisi e puru ill’estraneu,
tu si na perla, a perla du Mediterraneu.

by Federica Tripodi